Bakıda QƏRİBƏ VƏZİYYƏT - 3 binanın sakinlərini 1 ünvan birləşdirir - VİDEO

Bir rayonda, amma ayrı-ayrı ərazidə yerləşən üç binanın ünvanı və nömrəsi eynidir.BAKU.WS xezerxeber.az-a istinadən xəbər verir ki, söhbət paytaxtın Xətai rayonu Zığ yolu küçəsi 22a ünvanından gedir.Sakinlərin sözlərinə görə, bir neçə ildir ki, yaşadıqları ünvanla bağlı problem yaşayırlar. Taksi və yaxud da təcili- tibbi yardım çağırdıqda onlar ünvanı tapa bilmirlər. Səbəb də Zığ yolu küçəsi 22a ünvanının bir rayonda üç ayrı-ayrı binada olmasıdır.Bir rayonda üç binanın ünvanı və nömrəsinin eyni olması digər problemlərə də səbəb olub. Sakinlər deyir ki, onların qeydiyyat məsələsi də qarşıq düşüb.Məsələ ilə bağlı Əmlak Məsələləri Dövlət Komitəsinin mətbuat xidmətinin rəhbəri Qulu Xəlilov ''Xəzər Xəbər''ə bildirdi ki, yeni ünvan konsepsiyası hazırlanıb. Bu çərçivədə belə problemli ünvanların hər birinə ayrı küçə adları veriləcək. Sakinlərin qeydiyyat məsələsinə gəldikdə isə, həmin vaxt o da həllin tapacaq.Mövzu ilə bağlı daha ətraflı videomaterialı təqdim edir: