Haqqımızda
Zabit Səmədov 7 il əvvəlki məğlubiyyətin intiqamını belə aldı (VİDEO)
Azərbaycan əsilli döyüşçü Zabit Səmədov daha bir möhtəşəm qələbə qazanıb.
BAKU.WS-in məlumatına görə, bu gecə 4 ay aradan sonra rinqə çıxan həmyerlimiz Çeçenistanın Qroznı şəhərində prinsipial döyüşdə 7 il əvvəlki intiqamını alıb.
"Qroznaya bitva - 13” adlı döyüş gecəsi çərçivəsində "Axmat” klubunu təmsil edən Zabit polşalı Pol Slovinski ilə qarşılaşıb. Rəqibi ilə ilk dəfə 23 İyun 2007-ci il tarixində Amsterdamda qarşılaşan Zabit həmin qarşılaşmada elə ilk raundaca nakauta düşərək məğlub olmuşdu.
Bu dəfə isə hər şey fərqli olub. Həmyerlimiz 5 raund döyüşərək sonda qələbəni bayram edən tərəf olub. Qarşılaşmanın sonunda 3 hakimin ortaq qərarı ilə qalib elan olunan Zabit beləcə revanş döyüşündən üzü ağ çıxıb.
Şahin Həbibov
BAKU.WS
Oxşar xəbərlər
Türkiyədə azərbaycanlı gənc sevgilisi ilə mübahisə edib özünü maşının altına atdı
Türkiyədə azərbaycanlı gənc sevgilisi ilə mübahisə etdikdən sonra özünü maşının altına atıb. BAKU.WS-in məlumatına görə, hadisə Türkiyənin Kastamonu şəhərində...
