Türkiyə klubu Mahir Emreli ilə razılığa gəldi

Super Liqada 34 xalla 6-cı pillədə qərarlaşan "Başakşehir" transfer çalışmalarını davam etdirir.

BAKU.WS Türkiyə mediasına istinadən xəbər verir ki, klub karyerasında ümumilikdə 234 rəsmi oyuna çıxan, 78 qol vuran və 26 məhsuldar ötürmə ilə yadda qalan azərbaycanlı futbolçu Mahir Emreli ilə müqavilə imzalamaq niyyətindədir.

Türkiyəli idman jurnalisti Yağız Sabuncuoğlunun xəbərinə görə, "Başakşehir" Varşavanın "Legia" klubunda forma geyinən hücumçu Mahir Emreli ilə hər mövzuda razılığa gəlib. Emreli heç bir hüquqi problem yaratmadan "Legiya"dan ayrılarsa, "Başakşehir" futbolçu ilə müqavilə imzalayacaq.

Qeyd edək ki, 24 yaşlı hücumçu bu mövsümün əvvəlindən "Qarabağ"dan "Legia"ya transfer olunmuşdu.