Ronaldo "Əl-Nəsr"lə bu oyuna da çıxmayacaq

Portuqaliyalı futbolçu Kriştiano Ronaldo "Əl-Nəsr" klubunda ardıcıl ikinci qarşılaşmada meydana çıxmamaq qərarı verib.

BAKU.WS xəbər verir ki, bu barədə ESPN məlumat yayıb.

Mənbənin yazdığına görə, 39 yaşlı hücumçu Səudiyyə Ərəbistanı çempionatında "Əl-İttihad"a qarşı keçiriləcək matçda oynamağı planlaşdırmır. Bildirilir ki, klub rəhbərliyi mövcud vəziyyətlə bağlı ona təminat verməzsə, Ronaldo 2026-cı ilin yayında komandadan ayrılmağı xahiş edə bilər.

Nəşr qeyd edir ki, təcrübəli futbolçu karyerasını ya Avropa klublarından birində davam etdirməyi, ya da MLS-ə keçidi nəzərdən keçirir.