"Qarabağ"la oyunöncəsi Slotdan açıqlama: Nəsə etmək çox çətindir

"Liverpul"un baş məşqçisi Arne Slot Çempionlar Liqasının ümumi mərhələsinin 8-ci turunda "Qarabağ"la keçiriləcək oyun öncəsi komandasının hazırkı durumu barədə fikirlərini bölüşüb.

BAKU.WS xəbər verir ki, bu barədə BBC məlumat yayıb.

"Turnir cədvəlindəki vəziyyətlə bağlı ətrafımızda yaranan bütün bu səs-küy fonunda nəsə etmək çox çətindir. Belə bir klubda titul uğrunda mübarizə aparmırsansa, bu səs-küyü tamamilə dayandırmaq mümkün deyil.

Meydanda isə özümüzü çox yaxşı komanda kimi göstəririk. Bu, oyunu öz qapımızdan qurmağımıza və topa nəzarət edərək əlverişli mövqelər tutmağımıza aiddir.

"Bornmut"la oyunda biz bunu tez-tez edirdik. Daha yaxşı olmalıyıq, ümidverici epizodları real qol vəziyyətlərinə çevirməli və onları soyuqqanlı şəkildə dəyərləndirməliyik",-deyə Arne Slot bildirib.