Premyer Liqa: "Neftçi" bu gün "Qarabağ"la üz-üzə gələcək

Bu gün Misli Premyer Liqasının XXIII turu çərçivəsində Azərbaycan futbolunun iki nəhəngi – "Neftçi" və "Qarabağ" üz-üzə gələcək.

BAKU.WS xəbər verir ki, liderlik kürsüsündə qərarlaşan Ağdam təmsilçisi 53 xal toplayıb. "Ağ-qaralar" isə 24 xalla 6-cı pillədədir. Matçın baş hakimi Rəvan Həmzəzadə olacaq. Görüş saat 19:00-da "Neftçi Arena"da start götürəcək.

Turun ilk oyununda "Turan Tovuz" doğma meydanda "Araz-Naxçıvan"ı qəbul edəcək. Matç saat 16:00-da başlayacaq və FIFA referisi Əliyar Ağayev tərəfindən idarə olunacaq. Hazırda meydan sahibləri 36 xalla 4-cü, Naxçıvan klubu isə 44 xalla 2-ci pillədə qərarlaşıb.

Misli Premyer Liqası

III dövrə, XXIII tur

16 fevral

16:00. "Turan Tovuz" – "Araz-Naxçıvan"

Hakimlər: Əliyar Ağayev, Zeynal Zeynalov, Akif Əmirəli, Kamranbəy Rəhimov.

VAR: Rauf Cabarov.

AVAR: Rahil Ramazanov.

Hakim-inspektor: Anar Salmanov.

AFFA nümayəndəsi: Seymur Səlimli.

Tovuz şəhər stadionu

19:00. "Neftçi" – "Qarabağ"

Hakimlər: Rəvan Həmzəzadə, Cəmil Quliyev, Zöhrab Abbasov, Fərid Hacıyev.

VAR: Nicat İsmayıllı.

AVAR: Elşad Abdullayev.

Hakim-inspektor: Babək Quliyev.

AFFA nümayəndəsi: Erkin Hüseynov.

"Neftçi Arena"

Ötən gün keçirilən matçda "Zirə" səfərdə "Sumqayıt"ı 3:0 hesabı ilə məğlub edib. XXIII tura fevralın 17-də yekun vurulacaq.