Məşhur futbolçunu ailəsinin gözü qarşısında boynunu kəmərlə bağlayaraq döydülər

“Benfika”da forma geyinən ulduz müdafiəçi Nikolas Otamendi ailəsinin gözü qarşısında oğruların hücumuna məruz qalıb.

BAKU.WS Türkiyə mediasına istinadən xəbər verir ki, 4 oğru bazar ertəsi səhər argentinalı futbolçunun evinə girib və ailəsinin gözü qarşısında boynunu kəmərlə bağladıqdan sonra onu döyüblər.

"Benfika" klubu baş verən hadisəni təsdiqləyib. Futbolçunun və ailəsinin səhhətinin yaxşı olduğu açıqlanıb. Oğruların uzun illər “Mançester Siti”də çıxış edən Otamendinin evindən pul və qiymətli əşyaları götürdüyü və hadisə yerindən qaçdığı bildirilib.

Portuqaliya polisi hadisə ilə bağlı araşdırma aparır.