"Mançester Siti"nin ulduzuna ŞOK: Oyun zamanı evi soyuldu

İngiltərənin "Mançester Siti" klubunun futbolçusu Cek Qrilişin evi qarət olunub.

BAKU.WS bu barədə "Haber Global"a istinadən xəbər verir.

Soyğunçular ingilis futbolçunun evindən 1 milyon funt-sterlinq dəyərində bahalı saatlar və zinət əşyaları aparıblar.

Məlumata görə, hadisə Premyer Liqanın 19-cu turunun "Everton" - "Mançester Siti" matçı zamanı baş verib.

Axtarış işlərində helikopterlərdən və polis itlərindən də istifadə edildiyi bildirilib.

Xatırladaq ki, Cek Qrilişi 2021-ci ilin avqust ayında "Aston Villa"dan "Mançester Siti"yə transfer olub.

28 yaşlı futbolçu bu mövsüm bütün turnirlərdə 21 matçda 3 qol vurub, 2 məhsuldar ötürmə edib.