Leonel Messi zədəsindən sonra açıqlama verib

"İnter Mayami"nin və Argentina millisinin hücumçusu Leonel Messi aldığı zədədən sonra açıqlama verib.

BAKU.WS xəbər verir ki, o, bu barədə İnstaqramda paylaşım edib. 

"Təəssüf ki, Uruqvay və Braziliya ilə vacib oyunları buraxmalı olacağam. Oynamağı çox istəyirdim, amma kiçik zədəyə görə milliyə gedə bilməyəcəm. Hər bir argentinalı azarkeş kimi komandanı kənardan dəstəkləyəcəm. Argentinaya get! – Messi sosial şəbəkələrdən birində yazıb.

Xatırladaq ki, 37 yaşlı Messi 2023-cü ilin yayında "İnter Mayami"yə keçib. Futbolçunun klubla hazırkı müqaviləsi 2025-ci ilin sonuna qədərdir. Transfermarkt portalına görə, futbolçunun bazar dəyəri 20 milyon avrodur.