Çempionlar Liqasının ilk 1/4 finalçıları müəyyənləşdi (VİDEO)

Futbol üzrə Çempionlar Liqasında 1/4 final mərhələsinə ilk 2 vəsiqənin sahibi müəyyənləşib. Bunlar İspaniyanın "Real Madrid" və İngiltərənin "Liverpul" klublarıdır.1/8 final mərhələsinin cavab görüşündə "Kral klubu" Fransa PSJ-sini səfərdə də məğlub edib. Hesabı 51-ci dəqiqədə Kriştianu Ronaldu açıb. 66-cı dəqiqədə meydan sahibləri Marko Verrattinin meydandan qovulması səbəbindən azlıqda qalıb. Lakin bundan 5 dəqiqə sonra PSJ Edinson Kavaninin qolu ilə bərabərliyi təmin edib. 80-ci dəqiqədə isə Kazemiro "Real Madrid"in qələbə topuna imza atıb. Beləliklə, evdə 3:1, səfərdə isə 2:1 hesablı qələbə qazanan "Real Madrid" adını növbəti mərhələyə yazdırıb."Liverpul" isə mərhələ adlamaq üçün çox da çətinlik çəkməyib. Portuqaliya "Portu"su ilə ilk görüşdə səfərdən 5:0 hesablı qələbə ilə ayrılan İngiltərə təmsilçisi evdə də qapısını toxunulmaz saxlayıb. Cavab görüşündə qolsuz heç-heçə edən "Liverpul" 1/4 finalda çıxış etmək hüququ qazanıb.Çempionlar Liqası, 1/8 final, cavab oyunlarıPSJ (Fransa) – "Real Madrid” (İspaniya) - 1:2Qollar: Edinson Kavani, 71 - Kriştianu Ronaldu, 52. Kazemiro, 80Qırmızı vərəqə: Marko Verratti, 66 (PSJ)Baş hakim: Feliks Brıx (Almaniya)İlk oyun – 1:3BAKU.WS