Ançelotti Mbappe ilə bağlı suala cavab verməkdən imtina etdi

"Real Madrid"in baş məşqçisi Karlo Ançelotti "Mançester Yunayted"lə yoldaşlıq oyunundan sonra PSJ-nin fransız hücumçusu Kilian Mbappenin İspaniya klubuna mümkün transferi ilə bağlı jurnalistlərin suallarını cavablandırmayıb.

BAKU.WS bu barədə xarici mətbuata istinadən xəbər verir.

"Mbappe? Növbəti sual", - təcrübəli mütəxəssis deyib.

"Relovo" nəşrinin məlumatına görə, klublar transfer barədə razılığa gəlsələr də, Mbappe PSJ-dən Səudiyyə Ərəbistanının "Əl-Hilal" klubuna keçməkdən imtina edib.

Hücumçu "Real Madrid" ilə apardığı gizli danışıqların cəzası olaraq növbəti mövsümü PSJ-də ehtiyat oyunçular skamyasında keçirməyə razılaşıb.