Almaniya səfirliyi "Qarabağ"ı təbrik edib

Almaniyanın Azərbaycandakı səfirliyi "Qarabağ" futbol klubunun "Ayntraxt Frankfurt" üzərində əldə etdiyi qələbə ilə bağlı paylaşım edib.

BAKU.WS-in məlumatına görə, təbrik səfirliyin rəsmi sosial şəbəkə hesabında yer alıb. Paylaşımda bildirilib ki, "Qarabağ"ın 3:2 hesablı qələbəsi Almaniya tərəfi tərəfindən məmnunluqla qarşılanıb.

Qeyd olunub ki, Almaniyanın Azərbaycandakı səfiri Horlemann və səfirliyin bir qrup əməkdaşı qarşılaşmanı birbaşa stadiondan izləyiblər. Onların sözlərinə görə, Tofiq Bəhramov adına Respublika Stadionunda hökm sürən xüsusi ab-hava oyunu daha da maraqlı edib və futbolsevərlər üçün unudulmaz axşam yaşanıb.