055 213 76 73
"Qarabağ"ın rusiyalı qapıçısı Andrey Lunyov bir vaxt karyerasına qon qoymaq istəyib. Buna səbəb əlcək ustasının çıxış etdiyi klublarda uğur qazana bilməməsi və yeni klub axtarışlarının nəticəsiz olması olub.
BAKU.WS-in Andrey Lunyov barədə hazırladığı kiçik araşdırmanı təqdim edirik.
13 noyabr 1991-ci ildə Moskvada anadan olan Andrey uşaq yaşlarından futbola maraq göstərib. Valideynləri onu uşaq yaşlarından mini-futbol dəsrlərinə aparıblar. Futbolla məşğul olduğu ilk illərdə məşqçisi Andreyi mərkəz oyunçusu kimi görüb. Lakin o, qapıda dayananda hər kəs Andreyin anadangəlmə qapıçı olmasının şahidi olub.
Tezliklə bir sinif yoldaşının atası, keçmiş məşqçi onu görüb və uşağı nüfuzlu bir metropoliten iş adamı Sergey Kozlov tərəfindən qurulan "Dina" elit idman klubuna aparıb. Burada Andrey əsas qapıçı bacarıqlarını mənimsəyib. Onun uşaqlıq kumiri alman qapıçı Oliver Kan olub.
On yaşında Lunyov mini-futboldan ayrılıb böyük meydançada özünü sınamaq qərarına gəlib. Moskva "Torpedo"sunda idman məktəbinə köçüb və üç il sonra klubun ehtiyat komandasının oyunçusu olub. O vaxta qədər avtomobil zavodunun komandası Premyer Liqadan düşərək ikinci diviziona keçib.
Növbəti mövsüm qapıçı "Torpedo"da yeddi oyun keçirib və yaxşı qonorar alıb. Lakin Lunyov əvvəlcə Moskva yaxınlığındakı "İstra"ya, sonra isə "Kaluqa"ya göndərilib. İki mövsüm onlar üçün oynadıqdan sonra Andrey "Torpedo"ya qayıtmağa cəhd edib, lakin baş məşqçidən qəti şəkildə imtina alıb.
Beləliklə, 2014-cü ilin oktyabrında qapıçı sərbəst klub axtarıına başlayıb. Bir vaxtlar Andrey Lunyov böyük futbolu tərk etmək barədə də düşünməyə başlayıb. Onun son ümidi “Lujniki”də öz qapıçılar məktəbini yeni açmış “Torpedo”nun ilk məşqçilərindən biri olan Dmitri Qulenkov olub. Andrey ilə tanış olan məşqçi onu növbəti mövsümə hazırlamağı öhdəsinə götürüb.
2015-ci ilin qışında idmançı "Saturn"dan təklif alıb və tərəddüd etmədən müqavilə imzalayıb. Lunyov altı ay klubda qalıb, dörd oyun keçirib və tezliklə ciddi maliyyə çətinlikləri yaşayan komandada olmağın mənasızlığını anlayıb. Bundan sonra Andreyə “Zenit”dən gözlənilməz təklif gəlib. Sankt-Peterburqa köçdükdən sonra idmançı komandada özünü yaxşı tərəfdən göstərib, bir neçə uğurlu görüş keçirib və tezliklə “Zenit”in əsas qapıçısına çevrilib.
Andrey 2010-cu ildə Misirdə tətildə olarkən Ufadan Diana ilə tanış olub. Gənclər bir-birlərini bəyəniblər və tətildən sonra ünsiyyətə davam ediblər. Sevgililər sosial şəbəkələrdə yazışıb, birlikdə istirahət edib, bir-birinin yanına gediblər, sonra isə birlikdə yaşamağa başlayıblar.
Andrey Lunyov 9 iyul 2021-ci ildə "Bayer Leverkusen"lə müqavilə imzalayaraq 2023-cü ilə qədər klubda çıxış edib. İyulun 23-də o, fasilədən sonra Lukaş Hradeckinin əvəzinə meydana daxil olub və “Frayburq”la yoldaşlıq görüşündə heç bir qol buraxmayıb.
Dekabrın 9-da rəsmi matçda klubda debüt edib. Avropa Liqasının qrup mərhələsində "Ferentsvaroş"la görüşü də əsas heyətdə keçirib. 2021/22 mövsümündə klubla Bundesliqa 3-cüsü olub.
19 avqust 2023-cü ildən Lunyovv "Qarabağ"ın oyunçusu olub və bir illik müqavilə imzalayıb. O, avqustun 27-də “Kəpəz”lə çempionat matçında (1:1) klubda debüt edib. Sentyabrın 21-də o, Avropa Liqasının qrup mərhələsində "Molde" ilə oyun keçirib və komandasının 1:0 hesablı qələbəsində pay sahibi olub.
