Yeni sədr: "Metrodan daim istifadə edəcəyəm"

"Yəqin ki, metrodan hər kəs həyatında bir dəfə də olsa, istifadə edib".

BAKU.WS Modern.az-a istinadən xəbər verir ki, bunu "Bakı Metropoliteni" QSC-nin yeni sədri Vüsal Aslanov jurnalistlərə açıqlamasında deyib.

O, metrodan əvvəllər də istifadə etdiyini bildirib:

"Son illərdə, daim olmasa da, metropolitendən istifadə edirdim. Metropolitenin memarlığı, xüsusən "Nizami" stansiyası sənət incisidir. Onu yerində görməmək olarmı?!"

V.Aslanov bildirib ki, indi daha çox bu nəqliyyatın cari və gələcək məsələləri ilə məşğuldur: "Deməli, metropolitendən daim istifadə edəcəyəm. Stansiyalar, depolar, bir sözlə, bütün metro infrastrukturu gündəlik həyatımın bir hissəsinə çevrilib".