Yeni nazir təyin edilən Rəşad İsmayılov KİMDİR?

Azərbaycan Prezidenti 15 avqust 2024-cü il tarixli 251 nömrəli sərəncamı ilə Rəşad İsmayılovu Ekologiya və Təbii Sərvətlər Nazirliyinin birinci müavini vəzifəsinə təyin edib.

BAKU.WS yeni nazirin dosyesini təqdim edir.

Rəşad İsmayılov 27 avqust 1979-cu ildə anadan olub. Bakı Dövlət Universitetinin "Hüquqşünaslıq" ixtisası üzrə bakalavr və magistr pillələrini bitirib. Əmək fəaliyyətinə 2000-ci ildə "Zəhmət" kiçik müəssisəsində hüquqşünas kimi başlayıb.

O, müxtəlif dövlət qurumlarında hüquqşünas və rəhbər vəzifələrdə çalışıb. 2006-2009-cu illərdə Daşınmaz Əmlakın Dövlət Reyestri Xidmətində, 2010-2013-cü illərdə "İçərişəhər" Dövlət Tarix Memarlıq Qoruğu İdarəsində hüquqşünas və baş məsləhətçi, 2013-2016-cı illərdə hüquqi ekspertiza sektorunun müdiri, 2016-2018-ci illərdə Prezident yanında Mənzil İnşaat Agentliyində şöbə müdiri və müavini, 2018-2019-cu illərdə Dövlət Şəhərsalma və Arxitektura Komitəsində şöbə müdiri, 2019-2024-cü illərdə isə komitənin aparat rəhbəri vəzifələrində çalışıb.

Azərbaycan Respublikası Prezidentinin 15 avqust 2024-cü il tarixli 251 nömrəli Sərəncamı ilə Azərbaycan Respublikası ekologiya və təbii sərvətlər nazirinin birinci müavini vəzifəsinə təyin edilmişdir.