TƏBİB-də 24 saat işləyən "Qaynar xətt" yaradılıb

"İnsanları çağırırıq ki, sosial şəbəkələrdə ajiotaj yaratmasınlar. İrandan və digər ölkələrdən gələnləri yoxlayanlar xüsusi geyimdə olurlar, bu görüntüləri "koronavirus var" deyə yaymaq ajiotaj yaradır".

BAKU.WS-in xəbərinə görə, bunu TƏBİB-in mətbuat katibi Rəvanə Əliyeva bildirib: "Biz daim rəsmi məlumatlar açıqlayacağıq. Bu görüntüləri yaymazdan əvvəl bizimlə əlaqə saxlayın, mütəxəssislərdən dəqiq öyrənib məlumat verək".

R. Əliyeva deyib ki, TƏBİB-in 24 saat aktiv olan "Qaynar xətt"i fəaliyyətə başlayıb. "Qaynar xətt"in nömrəsi 1542-dir: "Hansısa vətəndaş özündə koronavirusla bağlı şübhə və ya digər əlamətləri hiss edərsə, dərhal bu nömrə ilə əlaqə saxlasın".