Sumqayıt bulvarında təmir işləri görüləcək

Sumqayıt şəhərində bulvar ərazisində işıqlandırma sisteminin təmiri üçün satınalma müsabiqəsi elan olunub.

BAKU.WS-in məlumatına görə, müsabiqə Sumqayıt Şəhər İcra Hakimiyyəti başçısının tabeliyində fəaliyyət göstərən "Sumqayıt Bulvar" MMC tərəfindən elan edilib.

Bulvar ərazisində işıqlandırma sisteminin yenilənməsi həm ərazidə gecə saatlarında təhlükəsizliyin təmin olunmasına, həm də şəhər sakinləri və qonaqlar üçün daha rahat istirahət şəraitinin yaradılmasına xidmət edəcək.

Təmir işləri həmçinin bulvarın estetik görünüşünü yaxşılaşdıracaq və enerjidən səmərəli istifadəyə imkan verəcək.