Son 2 ildə 800 orqan köçürülməsi əməliyyatı olub - RƏSMİ

Azərbaycanda son 2 ildə 800 orqan köçürülməsi əməliyyatı həyata keçirilib.

BAKU.WS-in Səhiyyə Nazirliyinin Orqan Donorluğu və Transplantasiyası üzrə Koordinasiya Mərkəzinə göndərdiyi sorğuya cavab olaraq bildirilib ki, 2023-cü ildən bu günə qədər ölkədə təxminən 800 orqan transplantasiyası əməliyyatı icra olunub.

Məlumata görə, Mərkəz fəaliyyətə başlamazdan əvvəl, yəni 2023-cü ilə qədər ümumilikdə 1600 orqan köçürülməsi əməliyyatı həyata keçirilib. Beləliklə, ümumi transplantasiya əməliyyatlarının sayı 2400-ə yaxınlaşıb.

Qurumdan bildirilib ki, bu göstəricilər ölkədə transplantasiya sahəsində genişlənən imkanların və inkişaf edən səhiyyə infrastrukturunun nəticəsidir.

Şahanə Xankişiyeva