Səyavuş Heydərov: "Xaricdə dini təhsil almaq özünü doğrultmur"

"Təcrübə onu göstərir ki, xaricdə dini təhsil almaq özünü doğrultmur".

BAKU.WS report-a istinadən xəbər verir ki, bunu Dini Qurumlarla İş üzrə Dövlət Komitəsi sədrinin müavini Səyavuş Heydərov jurnalistlərə açıqlamasında deyib.

Sədr müavini fikrini onunla izah edib ki, həmin ölkələrdə verilən təhsil özlərinin siyasətinə xidmət edir, orda təhsil alan insanlar da istər-istəməz yad dini ideologiyanın təsirinə məruz qalırlar:

"Artıq 2018-ci ildən Azərbaycanda İlahiyyat Universiteti fəaliyyət göstərir və bizim milli dini kadrlarımız formalaşır".