Saatlı rayonunun bəzi ərazilərində qaz kəsiləcək

Saatlı rayonunun üç kəndində qaz təchizatı dayandırılacaq.

BAKU.WS xəbər verir ki, bu barədə Salyan Regional Qaz İstismarı İdarəsi məlumat yayıb.

Bildirilib ki, diametri 200 mm-lik "Dədə Qorqud kənd" ortatəzyiqli yeraltı qaz kəmərində kipliyin sınağı məqsədilə əlaqədar 17.06.2025-ci il saat 10:00-dan etibarən sınaq işləri başa çatanadək Saatlı rayonunun Əhmədbəyli, Heydərabad və Dədə Qorqud kəndlərində (ümumi 948 abonent) qaz təchizatının daxildən dayandırılması planlaşdırılır.