Nazir: "Əvvəl elə müəllimlər var idi ki, ərizə yaza bilmirdilər"

"Əvvəl elə müəllimlər var idi ki, ərizəni, "müəllim", "qrup" sözlərini düzgün yazmırdılar. İndi elə müəllimlər yoxdur".

BAKU.WS oxu.az-a istinadən xəbər verir ki, bunu elm və təhsil naziri Emin Əmrullayev "Sertifikatlaşdırma 2026: səriştəli müəllim - keyfiyyətli təhsil" mövzusunda keçirilən tədbirdə deyib.

Nazir bildirib ki, mövcud qanunvericiliyə əsasən, ikinci dövriyyədə 50 bal toplayan müəllimlərin əməkhaqqı 10% artacaq:

"Sertifikatlaşdırma prosesinin ikinci mərhələsi ilə bağlı müzakirələr davam edəcək. Ümumilikdə sertifikatlaşdırmanın ikinci dövriyyəsi ilə bağlı müzakirələr aparılacaq. Biz elə suallar yazmalıyıq ki, nə birdən-birə müəllimlərin 25%-i kəsilsin, nə də asan suallar qoymamalıyıq ki, hamı yüksək bal toplasın. Bizim xeyli yaxşı müəllimimiz var, zəif müəllimlərin sayı azdır. İndi müəllimlərimizin bir-birindən fərqi çox azdır".