Koronavirusa görə sahibkarlara güzəşt edilə bilər

“Hökumət koronavirusla bağlı sahibkarlara güzəşt edilməsi barədə müzakirələr aparır. Koronavirusla bağlı görülən tədbirlər strukturlar arasında uyğunsuzluq yaradır. Fors-major hallara epidemiyanın yayılması daxil deyil”.

BAKU.WS qafqazinfo-ya istinadən xəbər verir ki, bunu parlamentin İqtisadi siyasət, sənaye və sahibkarlıq komitəsinin sədri Tahir Mirkişili deyib.

O bildirib ki, belə halda müqavilə öhdəliklərinə yeni anlayışların daxil edilməsi bizə lazım olacaq:

“Çünki bu gün dünyada epidemiyaların yayılması prosesi çox sürətlə gedir. Digər ölkələrdə hökumət sahibkarlara hansısa güzəşt edir. Bununla bağlı Azərbaycan da daxildə müəyyən müzakirələr aparılır”.