Koronavirusa yoluxan şəxslər immun sertifikatı alacaq - RƏSMİ

"Bu gün ölkədə xəstəliyi keçirən şəxslər 6 aydan sonra bir doza vaksin vurdurub immun sertifikatı ala bilər".

BAKU.WS xəbər verir ki, bu sözləri Tibbi Ərazi Bölmələrini İdarəetmə Birliyinin (TƏBİB) Xəstəliklərin profilaktikası və kontrolu departamentinin müdiri Yaqut Qarayeva Nazirlər Kabineti yanında Operativ Qərargahın iyulun 26-da keçirilən brifinqində çıxışı zamanı deyib.

TƏBİB rəsmisi əlavə edib ki, Azərbaycanda bu gün könüllü olaraq 4 vaksin növündən istifadə olunur və bütün vaksinləri Bakıda vurdurmaq olar.