Karantin rejimini pozan kafe sahibləri saxlanıldı

Goranboyda karantin rejimini pozan kafe sahibləri məsuliyyətə cəlb olunub.

Daxili İşlər Nazirliyinin Mətbuat Xidmətinin Gəncə regional qrupundan BAKU.WS-ə verilən məlumata görə, Goranboy rayon Polis Şöbəsinin əməkdaşları inzibati ərazilərində xidmət aparan zamanı rayonun Dəliməmmədli şəhərində və Balakürd kəndində gecə saatlarında gizli şəkildə fəaliyyət göstərən kafe aşkarlayıb.

Obyekt sahibləri və müştərilər qanunla müəyyən edilmiş qaydada saxlanılaraq Polis Şöbəsinə gətiriliblər və barələrində qanunamüvafiq tədbir görülüb.