İşsizlərin NƏZƏRİNƏ! 140 vakansiya təqdim edilib

Martın 18-də Qəbələ Dövlət Peşə Təhsil Mərkəzində Dövlət Məşğulluq Agentliyinin Şəki-Zaqatala Regional Məşğulluq filialının təşkilatçılığı ilə işsiz və işaxtaran şəxslər üçün növbəti əmək yarmarkası keçirilib.

BAKU.WS xəbər verir ki, bu barədə AZƏRTAC-ın bölgə müxbirinə Peşə Təhsil Mərkəzindən məlumat verilib.

Bildirilib ki, əmək yarmarkasına 10 işəgötürən müəssisə tərəfindən 140 vakansiya təqdim olunub.

Yarmarkada Qəbələ Dövlət Peşə Təhsil Mərkəzinin sonuncu kursunun 250-dən çox tələbəsi, həmçinin digər işaxtaran vətəndaşlar iştirak ediblər. Ümumilikdə, 98 nəfər müxtəlif peşə və ixtisas sahibinin CV-ləri qəbul olunub. Digər iştirakçılara əmək bazarında lazım olan bacarıqlar üzrə təlimatlar verilib, öz karyera hədəflərini təyin etməyə kömək göstərilib.

Qalereya