İçərişəhərdə rəqəmsal kadastr platforması yaradılır

İçərişəhər üzrə bütün əmlak məlumatlarını özündə birləşdirən rəqəmsal kadastr platforması yaradılır.

BAKU.WS "Report"a istinadən xəbər verir ki, bunu "İçərişəhər" Dövlət Tarix-Memarlıq Qoruğu İdarəsinin İdarə Heyətinin sədri Rüfət Mahmud Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunmuş "Şəhərlərdə Rəqəmsal Transformasiya" adlı tədbirdə bildirib.

Onun sözlərinə görə, layihə Bakı Şəhər İcra Hakimiyyəti və İqtisadiyat Nazirliyi yanında Əmlak Məsələləri Dövlət Xidməti ilə birgə həyata keçirilir: "Patformada İçərişəhərə aid bütün əmlak məlumatları vahid sistemdə toplanılacaq. Çox böyük və unikal rəqəmsal platforma yaradılır və bütün məlumatlar orada yerləşdirilir. Onun üzərində birgə idarəetmə modeli tətbiq olunur. Artıq İçərişəhərdə ünvanların inventarizasiyası aparılıb, hazırda isə tarixi abidələrin rəqəmsal inventarizasiyası və pasportlaşdırılması işləri davam etdirilir".