Günəş göz xərçənginə səbəb ola bilər

Yay aylarında günəş şüaları göz sağlamlığına mənfi təsir göstərə bilər. Uzun müddət günəş işığına məruz qalmaq gözlərinizə düşündüyünüzdən daha çox zərər verə bilər.

BAKU.WS xarici araşdırmalara istinadən xəbər verir ki, yayda yerə çatan ultrabənövşəyi və ya günəş radiasiyasının miqdarı qışda olduğundan üç dəfə çoxdur. Bu səbəbdən də bu mövsümdə göz sağlamlığına diqqət yetirilməli və hava buludlu olsa da günəş eynəyi taxılmalıdır.

Məlumatlara görə, günəşin zərərli təsirlərini minimuma endirmək üçün gün eynəklərindən istifadəyə uşaqlıqdan başlamaq lazımdır.

Uzun müddət günəşə məruz qalma gözün ön səthindəki konyunktiva və buynuz qişa təbəqələrində yanıqlar, gözün ağ hissəsində şişkin sarı-ağ görünən qabarcıqlar, gözdə ət böyüməsi, yaşla əlaqəli makula degenerasiyası, göz qapağı və ətrafında xərçəng kimi sağlamlıq problemlərinə səbəb ola bilər.

Bu səbəbdən xüsusilə açıq havada işləyənlər, çöldə çox vaxt keçirən uşaqlar, refraktiv və ya katarakt əməliyyatı keçirənlər, torlu qişa xəstəliyi olanlar mütləq keyfiyyətli gün eynəkləri taxmalıdırlar.

Göz sağlamlığınızı günəşin zərərli təsirlərindən qorumaq üçün 5 tövsiyə:

1. Günəşə birbaşa gözlə baxmaq olmaz.

2. Ultrabənövşəyi şüalardan qoruyan eynəklər seçilməlidir.

3. Zərərli şüalar təkcə göydən bizə çatmır, həm də ətrafımızdan əks olunaraq gözlərimizə zərər verir. Bu səbəbdən yanları qapalı və üzü örtən gün eynəklərinə üstünlük verilməlidir.

4. Kontakt linzaların əksəriyyəti ultrabənövşəyi şüaları süzür. Bununla belə, istifadə olunan linzalar günəş eynəyi də istifadə edilməlidir.

5. Günəşin ən isti olduğu saatlarda günəş altında çox vaxt keçirməmək lazımdır.