Gündəlik qidalanmada ən çox edilən səhvlər – Mütəxəssis xəbərdarlığı

Mütəxəssislər gündəlik qidalanmada yol verilən səhvlərin sağlamlığa ciddi təsir göstərə biləcəyini bildirir.

BAKU.WS xəbər verir ki, onların sözlərinə görə, düzgün olmayan qidalanma mədə-bağırsaq problemləri, artıq çəki, şəkərli diabet və ürək-damar xəstəlikləri riskini artırır.

Ən çox edilən səhvlər bunlardır:

• Səhər yeməyini ötürmək: Uzun müddət ac qalmaq metabolizmi zəiflədir və gün ərzində artıq yeməyə səbəb olur.

• Fast food və yarıfabrikat məhsullara üstünlük: Bu qidalar trans yağlar və zərərli əlavələr baxımından zəngindir.

• Şirin qazlı içkilər və həddindən artıq şəkər istifadəsi: Qan şəkərinin tez yüksəlməsi və piylənməyə gətirib çıxarır.

• Gecə ağır yemək: Orqanizmin yuxu zamanı işləməsini çətinləşdirir və həzmi pozur.

• Yetərli su qəbul etməmək: Susuzluq bəzən aclıq hissi ilə qarışdırılır və artıq kalori qəbuluna səbəb olur.

Dietoloqlar balanslı qidalanma üçün daha çox tərəvəz, meyvə, zülal və lifli məhsulların rasiona daxil edilməsini, həmçinin yeməklər arasında nizamlı fasilələrin qorunmasını tövsiyə edir.