Gələn il BTQ-nin hesabatında kolonizasiya bölgələrinin sayı daha çox olacaq

Gələn il Bakı Təşəbbüs Qrupunun (BTQ) hesabatında kolonizasiya bölgələrinin sayı daha çox olacaq.

BAKU.WS report-a istinadən xəbər verir ki, bunu BTQ-nin icraçı direktoru Abbas Abbasov təşkilatın 14 dekabr dekolonizasiya gününə həsr edilən hesabat təqdimatında çıxışı zamanı deyib.

Onun sözlərinə görə, təşkilat beyin mərkəzi kimi 7-dən çox hesabat hazırlayaraq təqdim edib:

"Bu il 17 beynəlxalq konfrans keçirilib və onların bəziləri BMT qərargahlarında, Nyu-Yorkda, Cenevrədə baş tutub. Həmçinin BMT-nin İnsan Hüquqları Komitəsindən Fransa hökumətinin Martinik və Yeni Kaledoniyada həyata keçirdiyi müstəmləkəçilik haqqında hesabat istənilmişdi. Bu son 5 ildə Fransa hökuməti qarşısında ilk tələb idi. BTQ tərəfindən 5 memorandum imzalanıb və bu üzrə 5 region üzrə QHT-lər, təşkilatlarla sıx əməkdaşlıq edilir".