Dövlət rəsmiləri və qurumların əməkdaşları Şəhidlər xiyabanını ziyarət edirlər - YENİLƏNİB

Sovet imperiyasının Bakıda törətdiyi qanlı qırğının 34-cü ildönümü ilə əlaqədar dövlət rəsmiləri, qurumların əməkdaşları şəhidlərin xatirəsini dərin hörmətlə yad edirlər.

BAKU.WS Oxu.az-a istinadən xəbər verir ki, Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev, Azərbaycan Təhlükəsizlik Şurasının katibi Ramil Usubov, Dövlət Sərhəd Xidmətinin rəisi, general-polkovnik Elçin Quliyev və rəqəmsal inkişaf və nəqliyyat naziri Rəşad Nəbiyev Şəhidlər xiyabanını ziyarət ediblər.

***10:38

Daxili işlər naziri, general-polkovnik Vilayət Eyvazov və qurumun əməkdaşları Şəhidlər xiyabanını ziyarət ediblər.

BAKU.WS Oxu.az-a istinadən xəbər verir ki, onlar şəhidlərin xatirəsini yad edib, məzarları önünə gül dəstələri düzüblər.

***

Sovet imperiyasının Bakıda törətdiyi qanlı qırğının 34-cü ildönümü ilə əlaqədar Azərbaycan Müdafiə Nazirliyinin şəxsi heyəti 20 Yanvar - Ümumxalq Hüzn Günündə Şəhidlər xiyabanını ziyarət edib.

BAKU.WS xəbər verir ki, ziyarətdə müdafiə naziri general-polkovnik Zakir Həsənov, nazir müavinləri, qoşun komandanları və digər şəxslər iştirak ediblər.

Vətənimizin azadlığı, müstəqilliyi uğrunda şəhid olmuş vətəndaşlarımızın xatirəsi hörmət və ehtiramla yad edilib, məzarları üzərinə gül dəstələri qoyulub.