Cəlilabadda 155 məktəbəhazırlıq qrupunda tədris aparılır

Cəlilabad rayonu üzrə 155 məktəbəhazırlıq qrupunda tədris aparılır.

Bu barədə "Report"un Muğan bürosunun sorğusuna cavab olaraq Lənkəran-Astara Regional Təhsil İdarəsindən məlumat verilib.

Bildirilib ki, bu qruplarda 2 275 nəfər uşaq təhsil alır.

Qeyd edək ki, məktəbəhazırlıq uşaqlarda oxumaq həvəsini, onların məktəbə müsbət emosional münasibətinin formalaşdırılmasını, məktəbə müvəffəqiyyətlə adaptasiya olunması üçün onlarda şəxsi-sosial xüsusiyyətlərin formalaşdırılmasını və birinci sinfə adaptasiyasını təmin edir.