Bu rayon üçün yeni tullantı yeşikləri ALINACAQ

Gədəbəy Rayon Kommunal Müəssisələri Kombinatı ərazidə tullantıların idarə edilməsini yaxşılaşdırmaq məqsədilə yeni tullantı yeşiklərinin satın alınması ilə bağlı müsabiqə elan edib.

BAKU.WS-in məlumatına görə, satın alınacaq tullantı yeşikləri 1,1 kubmetr tutuma malik olacaq.

Hər biri 4 mm qalınlığında polad təbəqədən hazırlanacaq, paslanmaya və çürüməyə qarşı davamlı olacaq.

Bu təşəbbüs Gədəbəy rayonunda təmizlik və ekoloji dayanıqlığın artırılmasına, həmçinin bərk məişət tullantılarının daha səmərəli idarə olunmasına xidmət edəcək. Yeni tullantı yeşiklərinin alınması nəticəsində Küçələrin və yaşayış massivlərinin təmizliyi yaxşılaşacaq.