Bəzi rayonlara yağış yağıb - FAKTİKİ HAVA

Avqustun 1-də saat 11:00-a olan faktiki hava açıqlanıb.

BAKU.WS xəbər verir ki, bu barədə Milli Hidrometeorologiya Xidməti məlumat yayıb.

Bildirilib ki, ölkə ərazisində hava şəraiti əsasən yağmursuz keçib.

Lakin iyulun 31-i gündüz Lənkəran-Astara zonasında qısamüddətli yağış yağıb.

Düşən yağıntının miqdarı Lerikdə 2, Astara və Yardımlıda 1 mm-dək qeydə alınıb.

İyulun 31-də bəzi yerlərdə şimal-qərb küləyi əsib, küləyin maksimal sürəti Culfada 21m/san, Bakıda və Abşeron yarımadasında 16 m/san-dək güclənib.