“Baku Electronics” Whirlpool-un eksklüziv distribyutoru oldu

"Baku Electronics" Amerikanın məşhur “Whirlpool” şirkətinin rəsmi- eksklyüziv distribyutoru olub.

BAKU.WS xəbər verir ki, bununla əlaqədar “Baku Electronics” və Whirlpool şirkətinin rəsmi nümayəndələrinin iştirakı ilə Abşeron Marriot otelində konfrans keçirilib. Konfransda məişət avadanlıqlarının qlobal lideri olan Whirlpool-un məhsul çeşidi də təqdim edilib.

Təqdimatla paralel olaraq, Cənubi Qafqazın ən böyük elektronika mağazası olan “Baku Electronics”in Nərimanov filialında aksiya keçirilib və Whirlpool soyuducularının ilk 10 müştərisinin alıcıları üçün hədiyyə olaraq paltaryuyan maşınlar təqdim edilib.

Konfransda Whirlpool Group-un Qafqaz və Moldova ölkələri üzrə satış meneceri David Gelaşvili deyib ki, Whirlpool brendinin yeni məhsullarını Azərbaycanda təqdim etməkdən çox məmnundurlar:

“Əminik ki, Azərbaycanlı istehlakçılar məhsullarımızdan razı qalacaqlar. Onları yeni aksiyalar və surprizlərlə sevindirməyi düşünürük”.

Whirlpool Group-un təlim meneceri Yuri Dolnik isə qeyd edib ki, Whirlpool şirkəti müxtəlif ölkələrdə 70-ə yaxın istehsal müəssisəsi və tədqiqat mərkəzi olan, illik dövriyyəsi 21 mld. dollara yaxın, işçi sayı 92 min nəfər olan dünyanın ən böyük məişət avadanlıqları istehsalçısıdır.

Hazırda ABŞ-da bu sahə üzrə dörd iri istehsalçı şirkət var ki, Whirlpool onların arasında birinci yerdədir. “Whirlpool Group” hazırda dünyada məşhur olan Whirlpool, İndesit və başqa məşhur markaların sahibidir.