"Bakı Metropoliteni" 1 milyon manatlıq avadanlıq alır

"Bakı Metropoliteni" Qapalı Səhmdar Cəmiyyəti yeni transformatorların alınması üçün tender elan edib.
BAKU.WS-in əldə etdiyi məlumata görə, tenderin ümumi dəyəri 1 milyon 70 min 543 manat təşkil edir.
Tender çərçivəsində 4 ədəd dartı transformatoru alınacaq:
3 ədəd 3150 kVA gücündə, 6 kV gərginlikli, hava ilə soyudulan transformator D-1 dartı yarımstansiyası üçün nəzərdə tutulub.
1 ədəd 3150 kVA gücündə, 10.5 kV gərginlikli, eyni tipli transformator isə D-4 dartı yarımstansiyası üçün alınacaq.
Transformatorlar yerüstü, örtüklü məkanda, maksimum 1000 metr dəniz səviyyəsindən yuxarı olmayan yüksəklikdə quraşdırılacaq. Hər iki model kabelli girişli şəbəkə dolağına və şinli ventil dolağına malikdir.
Qeyd edək ki, bu tip avadanlıqlar Bakı metrosunun enerji təchizatında mühüm rol oynayır və təhlükəsiz, fasiləsiz nəqliyyat xidmətinin göstərilməsi üçün vacibdir.
Oxşar xəbərlər
FHN meşələrdə tədbirlər keçirib
Fövqəladə Hallar Nazirliyinin Dövlət Yanğın Nəzarəti Xidməti səlahiyyətlərinə uyğun olaraq, ölkə ərazisində yanğın təhlükəsizliyinin təmin edilməsi məqsədilə zə...
