Bakıda 100-lərlə insan küçədə qaldı - (FOTO)

Bu gün səhər "Bakı kart" və "Milli ön" 100-lərlə insanı piyada qoyub.

BAKU.WS milli.az-a istinadən xəbər verir ki, "Şamaxinka" kimi tanınan ərazidən "20 yanvar" metro stansiyasına kimi dayanacaqlarda quraşdırılan "Bakı kart" terminalları işləməyib.

Ərazidə adıçəkilən terminallarla yanaşı "Milli ön" ödəmə terminalları da var, ancaq onlar da yararsız vəziyyətdədirlər. 

Sakinlər bildirirlər ki, bu problem artıq bir neçə gündür davam edir. Onların söylədiklərinə görə, terminallar səhər saatlarında, demək olar, işləmir, ancaq günün ikinci yarısından sonra işə salınır. 

Bu barədə Bakı Nəqliyyat Agentliyinin ictimaiyyətlə əlaqələr şöbəsinin sektor müdiri Mais Ağayev BAKU-WS-ə bildirib ki, məsələ ilə bağlı əraziyə baxış keçiriləcək. O, əlavə edib ki, texniki problem varsa aradan qaldırılacaq. 

BAKU.WS