Azərbaycanda vaksin qıtlığı var? - Komitə sədrindən AÇIQLAMA

Azərbaycanda vaksin qıtlığı yoxdur, eyni zamanda ölkəmizə daha iki yeni vaksin növü gətirilib.

BAKU.WS Trend-ə istinadən xəbər verir ki, bunu Milli Məclisin Səhiyyə Komitəsinin sədri Əhliman Əmiraslanov parlamentin bu gün keçirilən iclasında deyib.

Komitə sədri qeyd edib ki, Rusiya kimi vaksin istehsal edən bir sıra ölkələrdə peyvənd olunanların sayı Azərbaycandan iki dəfə azdır: “Artıq ölkəmizə gətirilən yeni vaksinlərdən də istifadə olunacaq. Azərbaycanda vaksin qıtlığı yoxdur”.

Ə.Əmiraslanov əlavə edib ki, Azərbaycanda vaksin olunanların gündəlik sayı təxminən 15 mindir.