Azərbaycanda işdən çıxarılan direktor kreslosunu da özü ilə apardı

“Vəzifəmdən azad edildikdən sonra institutda olan şəxsi əşyalarımı götürmüşəm”.

BAKU.WS xəbər verir ki, bunu Unikal-a açıqlamasında Elmi Tədqiqat Ağciyər Xəstəlikləri İnstitutunun sabiq direktoru Həqiqət Qədirova deyib.

O, şəxsi kreslosunu da götürdüyünü bildirib:

“Mənim kabinetimdə iki kreslo var idi. Biri instituta, biri isə özümə məxsus idi. Mən aldığım kreslonu götürüb özümlə aparmışam. Bundan başqa heç kimin şəxsi əşyasına toxunmamışam. Həmçinin, instituta məxsus olan kreslo da yerindədir”.

Qeyd edək ki, Həqiqət Qədirova ötən həftə vəzifəsindən azad edilib.