Azərbaycanda bu gün iş saatları qısaldılıb - 1 saat tez çıxacağıq

Bu gün Azərbaycanda iş saatları qısaldılmış rejimdə olacaq.

BAKU.WS xəbər verir ki, bu norma Əmək Məcəlləsinin 108-ci maddəsinə əsasən tətbiq edilir. Qaydaya uyğun olaraq, bayramqabağı günlərdə iş vaxtı həftəlik iş qrafikindən asılı olmayaraq bir saat azaldılır.

Bu il 27–28 may tarixləri Qurban bayramı və 28 May – Müstəqillik Günü ilə üst-üstə düşdüyündən ardıcıl qeyri-iş günləri formalaşıb. Qanunvericiliyə əsasən, bayramların eyni dövrə təsadüf etməsi səbəbilə 29 may da qeyri-iş günü hesab edilir.

Beləliklə, ölkədə 27, 28 və 29 may tarixləri, həmçinin həftəsonu olan 30–31 may günləri qeyri-iş günləri olacaq.

Növbəti iş günü iyunun 1-i olacaq.