Azərbaycana daha 4 milyon doza vaksinin gətirilməsi nəzərdə tutulur

Koronavirus əleyhinə daha 4 milyon doza vaksinin Azərbaycana gətirilməsi nəzərdə tutulur.

BAKU.WS Trend-ə istinadən xəbər verir ki, bunu Milli Məclisin Səhiyyə komitəsinin sədri Əhliman Əmiraslanov parlamentin bu gün keçirilən iclasında deyib.

Ə.Əmiraslanov bildirib ki, Azərbaycanda koronavirusa qarşı sistemli tədbirlər həyata keçirilir.

O qeyd edib ki, qısa müddət ərzində Azərbaycanda modul tipli xəstəxanalar fəaliyyətə başladı, mövcud xəstəxanalar koronavirusla mübarizəyə cəlb olundu: "Xarici mütəxəsislər də daxil olmaqla ümumilikdə ölkəmizdə koronavirusla mübarizə 44 mindən artıq səhiyyə işçisi cəlb olunub".