Avtobuslarda YENİLİK - Bundan sonra gedişhaqqı... - VİDEO

Avtobuslarda nağdsız ödəniş üçün yeni mobil tətbiq təqdim edilib.

BAKU.WS xəbər verir ki, Yerüstü Nəqliyyat Agentliyinin hazırladığı mobil tətbiq vasitəsilə istifadəçilər asanlıqla səfərlərini planlaşdıra, "BakıKart"ın balansını artıra və gediş haqqını ödəyə biləcəklər.

Hazırda beta versiyasında olan tətbiq 1 iyul tarixindən tam şəkildə istifadəyə veriləcək.

Agentliyin idarə heyətinin sədri Anar Rzayevin sözlərinə görə, tətbiq vasitəsilə istifadəçilər marşrutları asanlıqla axtara, təyinat yerinə getmək üçün ən yaxın dayanacaqları tapa və avtobusları real vaxt rejimində izləyə biləcəklər.

Yeni avtobus zolaqlarının yaradılması ilə bağlı Anar Rzayev bildirib ki, hazırda bununla bağlı layihə hazırlanır.