“ASAN xidmət”dən əməkdaşlarının koronavirusa yoluxması ilə bağlı xəbərlərə RƏSMİ CAVAB

“ASAN Xidmət əməkdaşları arasında koronavirusa yoluxma faktı qeydə alınmayıb”.

BAKU.WS xəbər verir ki, bu barədə Modern.az-ın sorğusuna cavab olaraq, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (ASAN Xidmət) İctimaiyyətlə əlaqələr şöbəsinin müdiri Elnur Niftəliyev bildirib:

“Dövlət Agentliyi və “ASAN xidmət” mərkəzlərində koronavirus aşkarlanan əməkdaşımız yoxdur”.

Qeyd edək ki, respublikanın paytaxtı, o cümlədən digər şəhər və rayonlarda agentliyin strukturuna daxil olan ümumilikdə 19 ASAN Xidmət Mərkəzi, 2 ASAN Kommunal Mərkəzi fəaliyyət göstərir.