Albalılıq qəsəbəsində sakinləri təngə gətirən PROBLEM

Xəzər rayonunun Albalılıq qəsəbəsində yerləşən Nərman Əliyev küçəsində yol infrastrukturu uzun müddətdir bərbad vəziyyətdədir.

BAKU.WS-in "qaynar xətti"nə daxil olan məlumata görə, küçədə asfalt örtüyü tamamilə sıradan çıxıb, yol boyu iri çalalar və dərin çuxurlar yaranıb.

Sakinlərin verdiyi məlumata görə, xüsusilə yağışlı havalarda yol palçığa çevrilir, çuxurlarda su yığılması nəqliyyat vasitələrinin hərəkətini mümkünsüz edir. Mövcud vəziyyət həm sürücülər, həm də piyadalar üçün ciddi problem yaradır.