60 yaşdan sonra yaddaş üçün nələr faydalıdır?

Araşdırmalar göstərir ki, müntəzəm qoz-fındıq qəbulu yaddaşı gücləndirir. Alimlər hesab edir ki, beynin sağlam qalması təkcə genetika ilə deyil, həm də həyat tərzi və düzgün qidalanma ilə bağlıdır.

BAKU.WS xəbər verir ki, mütəxəssislər beynin sağlamlığı üçün Aralıq dənizi və DASH pəhrizlərini tövsiyə edir. Bu pəhrizlərin əsas hissəsi isə qoz-fındıqlardır. Onlar doymamış yağ turşuları, zülal və polifenollarla zəngindir. Bu maddələr beynin fəaliyyətinə müsbət təsir edir.

Cəmi bir ovuc (25–30 qram) qoz-fındıqda:

-5 qram zülal,

-16 qram yağ (9 qramı doymamış),

-6 qram karbohidrat,

-3 qram lif,

-E vitamini (sutkalıq normanın 12%-i),

-maqnezium (16%),

-fosfor (13%),

-mis (23%),

-manqan (26%),

-selen (56%) var.

Mütəxəssislərin fikrincə, bu tərkib yaddaşın zəifləməsinin qarşısını almağa kömək edir.