Baş Dövlət Yol Polisi İdarəsi yol iştirakçılarının nəzərinə çatdırır ki, havanın kəskin dəyişməsini nəzərə alaraq, son dərəcə diqqətli olsunlar.


Baş Dövlət Yol Polisi İdarəsinin şöbə rəisi Rüfət Quliyev BAKU.WS-ə açıqlamasında bildirib. Qurum rəsmisi vurğulayıb ki, sürücülər avtomobili idarə edən zaman mütləq ara məsafəsi saxlasınlar.


“Əlverişsiz hava şəraitində optimal sürət seçsinlər. İşıqlandırmanı düzgün təyin etsinlər”, - deyə Rüfət Quliyev bildirib.


Hava şəraitindən asılı olaraq, müəyyən yollarda sürət həddi aşağı salına bilər. Bu və digər addımlar yol iştirakçılarının təhlükəsizliyinin təmin edilməsi üçün atılır.


Ziya SƏCCAD
BAKU.WS