AtaBank-ın ATM-lərində problem: Bakıda yalnız bir ünvanda işləyir

BAKU.WS-in məlumatına görə, bankın Bakıda fəaliyyət göstərən 50 bankomatdan yalnız biri - Nobel pr. 15-də yerləşən "AZURE SHOPPİNG CENTER"in binasında olan bankomat işlək vəziyyətdədir. 

 

ATABank-ın Məlumat Bürosundan BAKU.WS-ə verilən məlumata görə, artıq bir neçə gündür ki, ATM-lər in fəaliyyəti dayandırılıb. Bankomatların işləməməsi texniki problemlərlə əlaqədardır. Bildirilir ki, ATM-lər söndürülüb və hazırda problemin aradan qaldırılması üçün iş görülür. Bankdan "ATM-lərin nə vaxt işləyəcəyi" ilə bağlı suala isə konkret cavab almaq mümkün olmayıb.