Milli Parkda elektron skuterdən yıxılan qızın aldığı xəsarətlə bağlı AÇIQLAMA
![Milli Parkda elektron skuterdən yıxılan qızın aldığı xəsarətlə bağlı AÇIQLAMA](https://baku.ws/storage/photos/thumbs/large/1716740379_qqfdnmygaklbb6cmfx2zxoxbpopg71mcvtyg8mh_640.webp)
"Milli Parkda elektron skuterdən yıxılan qız qapalı kəllə-beyin travması alıb".
Bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.
Məlumatda qeyd olunub ki, Respublika Təcili və Təxirəsalınmaz Tibbi Yardım Mərkəzinə Dənizkənarı Bulvar ərazisindən 25 may tarixində saat 15:18-də 13 yaşlı şəxsin (cinsi qadın) yıxılması səbəbi ilə çağırış daxil olub.
"Hadisə yerinə dərhal təcili tibbi yardım briqadası göndərilib. Nəticədə, 13 yaşlı şəxs qapalı kəllə-beyin travması diaqnozu ilə Respublika Neyrocərrahiyyə Xəstəxanasına hospitalizasiya olunub".
Xatırladaq ki, ötən gün Milli Parkda, "Saat qülləsi"nin yanında, elektron skuterdən istifadə edən qız yıxılaraq baş nahiyəsindən ağır xəsarət alıb.
Oxşar xəbərlər
TƏBİB-in idarə olunması qaydası müəyyənləşib
Tibbi Ərazi Bölmələrini İdarəetmə Birliyinin (TƏBİB) idarə olunması qaydası müəyyənləşib. BAKU.WS xəbər verir ki, Prezident İlham Əliyevin TƏBİB-in nizamnaməsin...