Hava şəraiti ilə bağlı SOCAR-ın istehsalat sahələrində təhlükəsizlik tədbirləri gücləndirilib
![Hava şəraiti ilə bağlı SOCAR-ın istehsalat sahələrində təhlükəsizlik tədbirləri gücləndirilib](https://baku.ws/storage/photos/thumbs/large/1705929483_20890f4d-d797-3ed0-ac4f-87a17f7123a8_850.webp)
Ölkə ərazisində yanvarın 22-si səhər saatlarından başlayaraq ayın 23-dək hava şəraitinin dəyişəcəyi barədə xəbərdarlıq ilə əlaqədar olaraq, Azərbaycan Dövlət Neft Şirkətinin (SOCAR) istehsalat sahələrində təhlükəsizlik tədbirləri gücləndirilib.
BAKU.WS xəbər verir ki, bu barədə “Report”un sorğusuna cavab olaraq SOCAR-dan bildirilib.
Qeyd edilib ki, müəyyən işlərin görülməsi məhdudlaşdırılıb, əmək normaları çərçivəsində insan sağlamlığının qorunması üçün müvafiq tədbirlər görülüb.
Həmçinin geniş maarifləndirmə işləri aparılıb.
Milli Hidrometeorologiya Xidmətinin Proqnozlar bürosunun yaydığı məlumata görə, yanvarın 22-si saat 08:00-a olan vəziyyətə əsasən, ölkə ərazisində hava şəraiti dəyişib, Bakıda və Abşeron yarımadasında güclü şimal-qərb küləyi əsir.
Hazırda küləyin sürəti arabir 25-30 m/s-yə çatır. Neft Daşları stansiyasının məlumatına əsasən dalğanın hündürlüyü 3,8 metrdir.
Oxşar xəbərlər
Prezident "Media haqqında" qanunu təsdiqləyib - FƏRMAN
Prezident İlham Əliyev "Media haqqında" Azərbaycan Respublikasının Qanununu təsdiqləyib. BAKU.WS xəbər verir ki, bu Qanun Azərbaycan Respublikası Konstitusiyası...