Türkiyədə fətva: "Atanın qızına şəhvət duyması haram deyil"

Türkiyə Dəyanət İşləri Vəqfinin rəsmi saytında "Atanın öz qızına qarşı şəhvət hissi duyması haramdır?" sualına verilən cavab səs-küyə səbəb olub.

BAKU.WS məlumat verir ki, qurumun rəsmi saytına göndərilən "Atanın öz qızına qarşı şəhvət hissi duyması həyat yoldaşı ilə olan nikahını ləğv edirmi?” sualına qurumun fətva bölməsi cavab verməkdən imtina etmək və sualı verənlə bağlı aidiyyatı qurumlara məlumat vermək yerinə suala dini baxımdan cavab verməyi uyğun bilib.

Sualı İslamın müxtəlif məzhəblərinə uyğun cavablandırmağa çalışıb: "Bəzi məzhəblərə görə atanın şəhvətlə qızını öpməsi və ya qucaqlamasının nikaha heç bir təsiri yoxdur. Hənəfilərə görə isə, atanın qızını şəhvətlə öpməsi və şəhvətlə qucaqlaması zamanı qızın anası atasına haram hesab edilir. Qalın paltarlardan tutaraq, ya da vücuduna baxıb düşünərək şəhvət duymaq haram sayılmır. Həm də qızın 9 yaşdan böyük olması lazımdır”.

BAKU.WS