Saleh Bağırov: "Özümə qadağam var, həddi bil, heç kəsə ağıl öyrətmə"

"Aparıcı olaraq özümə qoyduğum bir qadağa var. Mövzu falan yox… Mən aparıcıyam, istənilən bir mövzuda tamaşaçının qarşısında çıxış edə bilərəm. O mövzunu da onlara çatdırmaq kimi bir peşəkarlığım olmalıdır. Bu mənim sənətimin, işimin tərkib hissəsidir və birbaşa borcumdur".

BAKU.WS xəbər verir ki, bu sözləri "Mədəni şou" verilişinə qonaq olan aparıcı Saleh Bağırov deyib.

O açıqlaması zamanı bir aparıcı kimi heç vaxt özünü tamaşaçıdan yüksək tutmadığını qeyd edib:

"Tamaşaçının qarşısında özüm üçün qoyduğum qanun var: Heç vaxt tamaşaçıya yuxarıdan aşağı baxmamaq… Mən buna özümə icazə vermirəm. Qadağan edirəm! Çünki mənə baxan, məndən də dəfələrlə yüksək statusda olan, ağıllı-kamallı, ziyalı, ömrünü elmə, hansısa araşdırmalara həsr edən insanlar var. Məni onlardan ayıran nədir? Sadəcə televiziyanın ekranı… Mənə bir tribuna verilib ki, oradan mənim söz demək kimi ixtiyarım var. Bizə baxan adamlar var ki, bizdən dəfələrlə ağıllı və böyükdürlər. Özümə qoyduğum qadağa odur ki, həddi bil, heçkəsə mənim ağıl öyrətmək, yol göstərmək, üstəlik barmaq silkələyərək nəyi necə etmək kimi bir icazəm olmayacaq.

Ətraflı videoda: